ឯកឧត្តម ទេព ចរិយា អញ្ជើញគោរពវិញ្ញាណក្ខន្ធសពម្តាយបង្កើតរបស់ឯកឧត្តម សោម សាវុធ និងលោក សោម វុធ្ធារិទ្ធ
នាព្រឹកថ្ងៃព្រហស្បតិ៍ ទី២១ ខែសីហា ឆ្នាំ២០២៥ ឯកឧត្តម ទេព ចរិយា ប្រធានស.ស.យ.ក អគ្គលេខាធិការដ្ឋានព្រឹទ្ធសភា និងជាអគ្គនាយករង នៃអគ្គនាយកដ្ឋានពិធីការ និងទំនាក់ទំនងអន្តរជាតិ អមដំណើរដោយលោក ប៉ូ សុវណ្ណារ៉េត ប្រធានអង្គភាពលទ្ធកម្ម បានអញ្ជើញគោរពវិញ្ញាណក្ខន្ធសពឧបាសិកា គឹម សំ ម្តាយបង្កើតរបស់ឯកឧត្តម សោម សាវុធ ជំនួយការខុទ្ទកាល័យសម្តេចប្រធានព្រឹទ្ធសភា និងលោក សោម វុធ្ធារិទ្ធ អគ្គនាយករង នៃអគ្គនាយកដ្ឋានរដ្ឋបាល និងហិរញ្ញវត្ថុ នៃអគ្គលេខាធិការដ្ឋានព្រឹទ្ធសភា នៅភូមិមិត្តភាព សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ឧបាសិកា គឹម សំ បានទទួលមរណភាពកាលពីថ្ងៃអង្គារ ទី១៩ ខែសីហា ឆ្នាំ២០២៥ វេលាម៉ោង១០:០៣នាទីយប់ ក្នុងជន្មាយុ ៨០ឆ្នាំ ដោយរោគាពាធ៕
ប្រភព៖ នាយកដ្ឋានព័ត៌មាន
